Los Gandules presentó en Zaragoza o suyo nuevo disco “Mañanas de petanca”

O Teatro d'as Cantonadas d'o Psiquiatrico plenó a sala

PortaladaIste sabado o Teatro d’As Cantonadas d’o Psiquiatrico se plenó de mosica y risas, con a presentación d’o nuevo disco de Los Gandules “Mañanas de petanca” (Maitins de petanca), primer disco d’una trilochía que continará con “Tardes de guiñote” (Tardis de guinyote) y “Noches de bingo” (Nueitz de bingo).

O show prencipió difuera d’o teatro con a plegada de patinadors de l’asociación Patina Zaragoza que i plegoron fendo una cursa dende L’Alfachería. Antis d’o concierto, estioron muitas as personas que querioron fer-se fotos en os sillons, verdader simbolo d’a colla,  que s’heban deixau en o sulero d’o teatro.

O concierto repasó beluns d’os suyos temas más conoixius y, prou que sí, presentó as cantas d’os nuevo disco a on que meten nuevas letras a cantas de collas como Crowed House, Amaral, Alaska u María Ostiz. Iste disco se puet sentir y descargar de baldes en a suya web.

En rematar o concierto, Juako Malavirgen, humorista y cantautor punchó mientres bell rato ta que a chent podese continar fendo-ie bieras. As presentacions d’o nuevo treballo de Los Gandules continará en Teruel o 8 de febrero y en Sabadell o 15.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.