Los Jaques de la Sierra presientan o suyo primer disco “El Huracán de la Rambla” en Cerveruela

A colla barracha a mosica mexicana con l'aragonesa fendo "rancheras, corridos y mosica d'o país"

cartel

cartel

A colla aragonesa Los Jaques de la Sierra presentarán iste sabado o suyo primer treballo en as instalacions de l’albergue-torre escuela “El Tío Carrascón” en Cerveruela, comarca de Campo de Daroca. En iste concierto presentación, Los Jaques de la Sierra interpretarán totz os temas que apareixen en o suyo disco que se puede ascuitar en Spotify.

Historias de contrabando, atracos y achustes de cuentas cantadas a ritmo de ranchera, mosica tradicional mexicana y aragonesa tocada con curdión y guitarra, cantas con frescura, …” ye a propuesta de ista banda recient naixida.

O nombre d’a colla fa referencia a una palabra que se fa servir en as comarcas de Daroca y Calatayú más que más ta clamar a una persona valient, garrispa y que no tien mica vergüenya. O disco s’ha gravau sin aduyas ni subvencions, baixo lo suyo propio siello “Cerro Redondo Records” creyau de propio t’a ocasión pero que, como dicen os components “dará muito a charrar”.

Ta más información sobre o lugar, o concierto y l’aloix ta qui quiera fer-ie nueit se puede endrezar t’a web www.eltiocarrascon.com. A colla conta tamién con Facebook y Twitter.

 

Una rispuesta a Los Jaques de la Sierra presientan o suyo primer disco “El Huracán de la Rambla” en Cerveruela

  1. Pingback: Los Jaques de la Sierra presientan o suyo primer disco “El Huracán de la Rambla” en Cerveruela - AraInfo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.