Love of lesbian podría actuar en Sarinyena iste setiembre

Se decidirá con una votación on-line a on que compite con atros dos lugars.

Love of lesbian en concierto. (Amprada d'a suya web)

Love of lesbian en concierto. (Amprada d’a suya web)

O lugar monegrino de Sarinyena podría acullir un concierto de Love of Lesbian o venient 20 de setiembre, si os fans d’a colla catalana asinas lo deciden en a votación que prencipiará o 1 de setiembre en a web http://loveoflesbian.redbull.com/.

A localidat ye una d’as tres trigadas en tot l’estau ta que Love of Lesbian leve a suya mosica ta lugars más chiquetz d’os que visita por un regular, a on que gosa d’emplir grans salas de conciertos y auditorios. A chira, clamada Bienveniu Mr Lesbian, en referencia a la cinta “Bienvenido Mr. Marshall”, ye patrocinada y empentada por una marca de bebidas enercheticas.

Love of lesbian ye una d’as collas más conoixidas d’o indie pop en castellano, y levan más de quince anyadas de carrera. Dimpués d’o suyo zaguer disco “La noche eterna. Los días no vividos”, feito en 2012, estianyo editoron un EP clamau Nouvelle Cuisine Canibal, a on que se replegan os temas “Mal español”, “Manifiesto delirista” y “Víctimas del porno (a tu laíto)”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.