Luz verda t’o presupuesto municipal de Zaragoza, dimpués de que a militancia de IU lo aprebase en referéndum

Un 71,57 & d'os afiliaus de IU votó a favor d'o prochecto dimpues de que se bi incluyisen as esmiendas presentadas por os concellers d'a formación.

Foto: Tiia Monto (CC-BY-SA)

Foto: Tiia Monto (CC-BY-SA)

O prochecto de presupuestos d’o Concello de Zaragoza ta 2015, consensuau por as collas municipals de PSOE, CHA y IU, tirará entabant dimpués de que a militancia d’ista zaguer formación politica lo aprebase iste martes en referendum.

Con un 71,57% d’os votos a favor y un 27,43% en contra, iste resultau permite que os tres concellers de IU den o suyo voto favorable a un presupuesto que dica agora remaniba aturau como conseqüencia d’as diferencias entre ista colla municipal y l’equipo de gubierno.

Izquierda Unida de Zaragoza celebró lo pasau lunes una asembleya informativa ubierta a on que trasladó a la militancia y a lo teixiu social a situación d’as negociacions entre IU y lo gubierno de Zaragoza cara a lo presupuesto 2015. A colla municipal heba presentau 51 esmiendas a los presupuestos municipals, valuradas en 9,2 millons d’euros. Os diners se quitan de partidas t’o pago de deuda financiera (3,5 millons d’euros), de inversions, milloras y grans equipamientos, d’obras menors de vialidat (2,6 millons) u mesmo de conveniu de IU que consideran que estianyo les cal menos diners.

Entre as esmiendas más destacadas en contar con mayor dotación i ye a bolsa de credito ta financiar programas de refirme a o treballo publico municipal, d’organismo autonomos y sociedatz, que conta con dos millons d’euros. Antimás, proposan 1,6 millons a la conservación y reposición d’edificios escolar por interpresas d’economía social; 600.000 euros ta l’esvielle d’a carrera Oviedo u meyo millón d’euros t’apanyar carrils bici.

Fuent: http://www.cronicadearagon.es/wordpress/aragon/luz-verde-para-el-presupuesto-municipal-de-zaragoza-despues-de-que-la-militancia-de-iu-lo-haya-aprobado-en-referendum

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.