Machia en as Cinco Villas

Orés celebra a tercer trobada de machia "Orés machico. Fiesta d'os bruxos".

CartelOrés celebrará iste sabado a tercer edición d’a Trobada de Machia d’as Cinco Villas “Orés Machico. Fiesta d’Os Bruxos”, con diversos espectaclos de machia ta totz os publicos.

Dende as 12 d’o meyodiya, as carreras d’Orés se plenarán de magos que amostrarán a opublico os suyos trucos machicos. A ixa hora prencipiará a trobada con una Gran Gala de maitins a on que se ferá o “Baltizo machico d’Os Bruixos”, de man de Funny Magic Creepy Show, organizadors de l’evento de conchunta con o concello d’Orés.

Dimpués d’a chenta, continará o festival con una sesión de ‘Machia Amán’ endrezada t’o publico adulto. ‘Machia Amán’ pende en tres pasadas mientres tardi, a las 16:30, 17:30 y 18:30 en tres puntos diferents d’a localidat, Baixos d’a Residencia, Fogón y Bar Teleclub. En istas representacions actuan seis magos: Juan Luis Rubiales, Amelie, Ricardo Aguado, Pablo Tejero, Adrián Coso y Pepe Fernández.

A catrinalla se podrá gronxiar de tardis con dos espectaclos endrezaus a esprés ta ells en a Plaza d’Espanya, a las 17 y a las 18:15. Kayto, un d’os millors magos ta ninos a ran internacional será o encargau de amostrar-les os suyos fantasticos trucos.

A hipnosis tamién i cullirá en a tercer edición de ‘Orés machico’. Jeff Toussaint ferá una sesión en a Plaza d’Espanya a las 21:30. A las 23:30 bi habrá una Gran Gala de nueitz a on que participarán Alberto Bernad, Amelie, Pepín Banzo y Mario Cobretti. Ta rematar, dende a 1 d’a maitinada, os bars d’a localidat ufrirán tamién espectaclos de machia.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.