“Made in Zaragoza” plena lo centro d’azoques, concierto y exposicions virtuals

As plevias d'o cabo de semana pasau facioron cambiar as actividatz ta iste cabo de semana.

logoO festival Made in Zaragoza (feito en Zaragoza), que habió d’estar cambiau de calendata por as plevias d’o zaguer cabo de semana, se celebrará dende hue y dica o domingo en a parti centro de Zaragoza. A plaza d’o Pilar, Santa Engracia, A Madalena, a Zucrera y As Armas acullirán as actividatz baixo o titold e “Creyatividat Enamplada”.

Bi habrá azoques, conciertos itinerants, exposicions virtuals, espacios ta experimentar con a realidat enamplada en 3D y taller y desfiles en espacios publicos que de cutio son ocupaus por vehiclos.

O viernes, as botigas d’a carrera Sant Agustín ubrirán en horario especial dica las 23 y ferán promocions, botifueras, presents, mosica en vivo y atras sorpresas. En o “solar d’o coniello” (Coso, 184) se meterá o “Rabbit Market”, a on que dende as 19 se podrán mercar productos de moda, ilsutración, artesanía, alfayas y restauración, entre que bi habrá actuacions de Dj Chelis y Picore. Tamién se ferá un pasavillas con una furgoneta por tot lo vico aturando en a carrera Mayor, Sant Lorient, Sant Chorche y Sant Agustín

En a Plaza Santa Engracia, o sabado mientres tot lo diya, se ferá o Parking Day, un evento a on que artistas, disenyadors y ciudadans transformarán plazas d’aparcamiento publicas en parques con l’obchetivo de recuperar espacios t’o ciudadan a on que l’auto y as motos son o protagonistas cutianos. Mientres o diya se ferán taller de dibuixo, arquitectura ta ninos, un desfile de moda y una charrada titulada “Zaragoza, ciudat conectada, que impartirá Wizi. O diya rematará con un Picnic creyativo con DJ Finado.

O domingo, en a palza interior d’As Armas, de 11:00 a 18:00 se ferá una muestra d’emprendedors creyativos de diferents sectors: vintage, restauración, librerías, comics, dineyo de producto y moda, ilustración y alfayas. Tamién se i contará con as actuacions de Rafi El Camino, Hashima, y El Brindador.

Antimás, en o mundo virtual, bi habrá quatre exposicions virtuals de La Cartonería, Óscar Sanmartin, Griselda Cárdenas y Modalena showroom en a web www.madeinzaragoza.es.

Con istas actividatz se preba de fer conoixer Made in Zaragoza, un rete de profesionals y negocios creyativos ta dotar-los de mayor eficacia, visibilidat y esquilmens. Made in Zaragoza preba de que os negocios creyativos d’a ciudat treballen en rete ta creyar bella mena de gran centro comercial a on que primen as accions artesanals, artisticas, sostenibles y innovaderas. Dica agora, ya son 57 os negocios que fan parti d’iste rete.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.