Magofermín presentará o chueves en Zaragoza o suyo libro-disco ‘Cultura Libre’

Totz os textos d'o libro se pueden trobar en as tres luengas d'Aragón, igual como tamien bi ha cantas en totz tres idiomas.

O primer libro editau por Magofermin, Cultura Libre, se podría definir como un treballo en o qual se refleixa l’apuesta d’o colectivo por a libertat de chestión
d’os dreitos d’autor. Un prochecto basau en a participación de totz os grupos vinculaus a o colectivo y que suposa un claro estandarte d’a idiosincrasia de Magofermin.

O prochecto, que empecipió a chestarse fa mas d’un anyo, une a todas as bandas que han editau os suyos treballos baixo o siello d’o colectivo y,
prou que sí, con licencias libres. Ixas dos caracteristicas son o filo que une as costuras de Cultura Libre, un librodisco en o qual no solo se puet ascuitar a mosica d’os participants, sino que tamién, se puede conoixer a suya  traza d’entender iste concepto a traviés d’os textos que i han aportau cadaguna d’as veint y quatre bandas participants. Istos textos son a base principal d’un libro trilingüe en o que tot lo suyo conteniu se puet leyer en castellán, catalán y aragonés, d’a mesma traza que d’entre os temas trobamos cantas con letras en istas tres luengas.

Iste libro-disco será a la venda a partir d’iste chueves, quan se  presentará a las 19.45 horas en a zaragozana librería Pantera Rossa (c/ San Vicent de Paúl, 28) con a colaboración de Javier Prenafeta. Dita presentación continará con una Brenda- Concierto en acustico en a cafetería A Flama (c/Mayor, 53) y rematará con una Audición de mosica libre, dende as 23.30 en La Botica (Casco Viello).

Encara que a presentación oficial se ferá o chueves, o libro se presentó ya en Ciutat Podrida y en Fendo Orella, totz dos programas de Radio Topo.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.