Mamadou tendrá 15 diyas más

No será forachitau de casa suya por a CAI gracias a la presión popular.

Logo de STOP desahuciosSTOP Desahucios Zaragoza ha conseguido, por agora que Mamadou Diallo no siga forachitau de casa suya iste miercols, como yera previsto. S’ha desconvocau l’acción que  iba a haber-ie hue en o vico d’as Fuents ta refirmar a Mamadou y a la suya familia.

Seguntes informacions d’o Movimiento 15M, a CAI s’ha veniu a plego y mientres 15 diyas negociará sobre a situación d’iste guineano, que ye esqueferau dende fa dos anyadas, debant d’a presión feita por a opinión publica y os meyos de comunicación.

Istos diyas miembros de STOP Desahucios irán t’a CAI con Mamadou ta negociar una salida a la suya situación ta que pueda quedar-se en a vivienda. A proposa feita por a entidat, en primeras, ha teniu buena acullida de man de l’afectau

Seguntes Mariano Alfonso, un d’istos activistas, ‘a crisi y a bombolla imobiliaria la infloron as caixas y os bancos, os constructors y tasadors en un taradibau que s’aprofeitó de personas como Mamadoy’. En a suya opinión, bi ha una ‘mala praxis profesional’ d’a entidat bancaria que dio una hipoteca a 600 € y que a escape puyó a 800 € a una familia con unos ingresos de 1100 €.

T’a plataforma, a solución no pasa por iniciativas como a de Cecilia, a ciudadana que ufrió a casa suya ta Mamadou y a suya familia, estando ‘a dación en pago y más logueros accesibles en función d’a renta ‘ lo que puet aduyar a solucionar l’afer d’a vivienda’.

Mamadou, a suya muller Aissatou y os suyos cinco fillos, o caganiedos de un mes, recibioron fa bellas semana a orden de desahucio d’o banco a on que les indicaban que hue habrían de marchar-ne por l’impago d’a hipoteca suya que s’acumulaba dende feba una anyada y meya.

 

Fuent: http://aragonsocial.es/aplazado-el-desahucio-de-mamadou

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.