Manel publica o suyo nuevo disco “Atletes baixin de l’escenari”

Tretze nuevos temas con un soniu más electrico y aluenau d'o folk fan parti d'o nuevo disco d'a colla catalana

portaladaDimpués de muito tiempo d’aspera t’os suyo fans y de una anyada sin puyar ta un scenario, a la fin Manel ha publicau o suyo nuevo disco “Atletes baixin de l’escenari”. En iste, han albandonau beluns d’os sonius que los facioron plegar en o numer uno de vendas en l’Estau espanyol, cosa que no pasaba con una colla que cantase en catalán dende feba 15 anyadas. De l’ukelele y atros trastes de cuerda, han pasau ta un soniu más clasico d’o pop-rock con os cutianos baixo, guitarra, batería y bell teclau de cabo ta quan.

O titol d’o disco fa referencia a una frase que dició Constantino Romero en a ceremonia de zarre d’os Chuegos Olimpicos de 1992 en Barcelona y que a la colla “le fació gracia”. D’as tretze nuevas cantas, cinco se’n podioron sentir iste martes en una Fnac de Barcelona, a on se fació a primer presentación d’0 disco. Fa bellas semanas tamién facioron publico o primer videoclip d’o nuevo disco titulau “Teresa Rampell”.

Manimenos caldrá asperar dica lo 23 de mayo ta poder viyer-los y ascuitar-los una atra vegada en directo. Será en o Primavera Sound, que se celebrará entre o 22 y o 26 de mayo en Barcelona. Manel contina asinas con a exitosa carrera que prencipió con Els millors professors europeus (2008) y 10 milles per veure una bona armadura (2011).

3 Rispuestas a Manel publica o suyo nuevo disco “Atletes baixin de l’escenari”

  1. ¿Estau espanyol? Creigo que en aragonés también esiste la parola “España”.
    Si podez meter “Euskal Herria”, también podez meter “España”. Igualdad de condizions y oxetibidá 😉

  2. para carcediano

    de perro a chucho guau.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.