Os antitaurinos se manifestarán en as fiestas de Uesca

O movimiento antitaurino d'a ciudat torna a manifestar-se en o mel meyo d'as fiestas de Uesca

cartelComo todas las anyadas, os actos taurinos d’as fiestas de Uesca tendrán a suya respuesta de man d’o colectivo de personas antitaurinas d’a ciudat. Ista anyada será o 10 d’agosto coincidindo, como de cutio, con una d’as corridas de toros d’a feria laurentina que se fa con a enchaquia d’as fiestas.

A concentración será a las 17:30 en a Plaza de Santo Domingo, convocada por a PODA (Plataforma Uescana por os Dreitos d’os Animals). Mientres a corrida se ferá a lectura d’un manifiesto. Antimás ista anyada, a organización d’a concentración ha quiesto completar a convocatoria con una acto lo domingo 11 en o Parque d’a Universidat, dende as 18 horas ta “contrimostrar que se puet disfrutar sin que calga pagar ta viyer como maltractan a animals inocents”.

Dende a PODA, han tornau a repetir as suyas razons ta ista acción, entre as que i son protestar contra “o especismo d’as fiestas” y refusar “a campanya d’o PP ta protecher ista mena d’espectaclos”, de vez que apuestan por unas “fiestas populars que no financien con diners publicos ista mena d’actos” y que bi haiga una “programación alternativa t’a chent sensible que no quiera participar-ie”.

A manifestación antitaurina de Uesca leva más d’una decada fendo-se dende que la prencipioron a convocar a Colla Antitaurina Oszense y Chobenalla Aragonesista t’a part de 1997 y gosa d’arroclar a un ciento de personas.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.