Manifestacions en Zaragoza y Teruel en esfensa d’a educación publica

Miles d'estudiants se sumoron a la vada en amostranzas meyas

Manifestants en Teruel (Foto: Donnie-Darko)

Manifestants en Teruel (Foto: Donnie-Darko)

Os estudiants tornoron ahiere a salir t’as carreras ta protestar por os retalles en educación y por as actuacions policials contra os estudiants de Valencia. Lo facioron en una chornada de vadas que, seguntes o gubierno tenió un refirme d’un 36% en Zaragoza y d’un 23 % en Teruel. En Uesca no s’heba convocau a vada, encara que os estudiants sí que facioron una concentración de tardis en a Plaza Navarra.

Miles de estudiants de ESO y Bachillerato estioron en a manifestación que prencipió en Zaragoza en o Paraninfo. Una hora antis, a las 11:00, estudiants d’a Universidat quedaban en l’estanque d’o Campus de Sant Francisco ta unir-se a las protestas. A manifestación remataba en o Pignatelli, siede d’a D.Ch.A. a on que se leyeba o comunicau.

En Teruel a manifestación de más de 300 estudiants, prencipiaba en o campus. Tamién en iste caso os universitarios s’uniban a los estudiants de amostranzas meyas. Os manifestants rematoron en a sozdelegación d’o gubierno espanyol amostrando libros y chilando frases en esfensa d’a educación y en solidaridat con os etudiants de Valencia.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.