Mann Filter chuga hué contra o Cadi La Seu

Mann Filter se mirará de remanir en a tercena posición d'a clasificación, y ta ixo habrá de vencer a o Cadi La Seu, en o partiu que se disputaráhué en o Pavillón Sieglo XXI.

Logo d'o Mann Filter Zaragoza (Foto: Biquipedia)

O partiu, que se chugará hué dende as 19 horas, ye o correspondient a la chornada 18 d’a Liga Femenina y que será arbitrau por Asier Quintas d’o País Basco y Fernando Martínez d’o colechio aragonés.

L’equipo de Víctor Lapeña no ha recuperau a María Pina que ye sería dubda t’a trobada, mientres que Cristina Ouviña ha empecipiau con exercicios en o chimnasio y series de tiros, por o que podrá aduyar a las suyas companyeras.
Ta Víctor Lapeña “aspero que os aficionaus de Mann Filter desfruten o mierques y nos aduyen a aconseguir una nueva victoria y mantener o tercer puesto d’a clasificación”. Y ixe ye l’obchectivo que s’ha marcau Mann Filter, tornar a la senda d’as victorias, ixuplidar-se d’o partiu perdiu en Valencia debant d’o lider Ros Casases. Por ixo l’entrenador manyo opina que, “as chugadoras son con ganas de tornar a chugar en o sieglo XXI an nos sentimos muit arropaus”.

Y respecto a o rival de hué, piensa que, “a Seu ye un equipo con un estilo de chugo dificil de definir t’as esfensas rivals, ya que practica gran libertat de movimientos t’as suyas chugadoras con mas recursos. Nos miraremos de fer-nos-ie mientras o partiu a o ran defensivo y buscar a traza que tiengan un mal día”.

O conchunto d’a Seu, entrenau por Andreu Bou ya venció en o partiu d’a primera tornada chugau en a Seu por 78 a 67. Y arrocla gran parti d’o suyo chugo ofensivo en a escolta americana Adrianne Ross, que ye a suya prencipal encestadora. Ye muit bien aduyada por l’alero hispana Cristina García y a base letona Kristine Karklina que ye muit buena lanzadora de triples.
En a resta de l’equipo destacan l’ala pívot nicheriana Chineze Nwagbo, y as pívots irlandesa Margaret de Ciman y l’americana Mandisa Stevenson.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.