Mann Filter de viache enta Mallorca

María Pina y Cristina Ouviña continan lesionadas.

L'alero y capitana Estela Royo. (Foto: Basket Mann Filter)

Mann Filter quiere recuperar as sensacións d’as victorias chugando en a Isla de Mallorca, mas concretament en Soller, an s’enfrentará iste proximo sabado a las 18 h, a o Soller Bon Dia.

Iste partiu d’a deceno nuena chornada d’a Liga Femenina será arbitrau por Pedro Coladas d’Andalucía y Ángel González de Madrit.
Y ta recuperar triumfos lo mas immediato, visto o partiu d’o mierques frent a o Cadi a Seu, ye recuperar a las lesionadas María Pina y Cristina Ouviña, que encara ye dubda que puedan chugar aduyando a las suyas companyeras.

Charrando d’a base zaragozana Cristina Ouviña, y encara que no ha chugau en totz dos zaguers partius, contina en tercena posición d’o ranking de millor recuperadora de balóns, ya que suma 37 furtos en 16 partius chugaus, o qual le da un promeyo de 2,31 por partiu.

En l’equipo rival d’o sabado, Soller, ye destacando a parcela d’asistencias por parte d’a base Gabriela Ocete, que lidera l’apartau de millor pasadora con un total de 98 asistencias de canasta, ye dicir, 5, 44 por partiu.

T’o Director Cheneral de Mann Filter, Antonio Manero, “Soller no ye o mesmo equipo que veyemos en Zaragoza, y que nos gano. Ha perdiu a bella d’as suyas chugadoras, pero sigue estando un bloque muit competitivo”.
Y referent a l’inte por o qual traviesa l’equipo, “o deseyo de totz ye tornar a os triumfos, pero tamién cal contar con os rivals, sabendo que ye muit complicau porque i hai muito ran, y cada partiu ye un mundo dada a competitividat ”.

O Soller, entrenau por o salmantino Jorge Méndez, que venció en Zaragoza por 67 a 73 ha perdiu a la parella d’americanas, y agora conta como pivots prencipals a la senegalesa Astou Traore y a la húngara Andrea Csaszar.
Amás de Traore, o suyo maximo periglo en enrestida ye l’alero uruguaya Paola Ferrari. Contando amás con o chugo d’a mencionada Gaby Ocete, Ana Mª Suárez, María Espanya y a pívot bulgara Stefka Miteva.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.