Manuel López s’intresa por l’aragonés, en o marco d’as eleccións t’o rectorau

O Trango ha prencipiau una comunicación con os candidatos a rector ta conoixer cómo aduyarían a la luenga aragonesa.

Manuel López, candidato a o rectorau. (Foto: Universidat de Zaragoza)

Mientras o desembolique d’a campanya electoral t’as venients eleccións a Rector d’a Universidat de Zaragoza, dende l’Asoziazión Cultural O Trango se decidió de prencipiar una comunicación con os candidatos a rector d’a institución con a fin de conoixer aquellas midas que a Universidat de Zaragoza levaría a cabo ta aduyar en o proceso de normalización d’a luenga aragonesa.

L’Asoziazión Cultural O Trango ha quiesto agradeixer, a traviés d’un mandau de prensa “a respuesta positiba emitida por parti de l’actual rector y candidato en as venients eleccións, Don Manuel López Pérez, dende un primer inte s’ha amostrau disposau a ascuitar as nuestras proposas, afirmando que “he querido recoger vuestra inquietud y así en el apartado 7 (cultura) se indica””.

De vez, o candidato a rector ha remerau a contribución que a Universidat de Zaragoza ha feito mientras o suyo mandato t’a normatibización d’a luenga aragonesa, con o recient creyau Diploma de Espezializazión en Filolochía Aragonesa. Pero a penar de que ista aición suposa un gran trango t’a dignificación y estudeo d’ista luenga en periglo, dende O Trango creyen y asinas len’n han comunicau a o rector, que a Universidat de Zaragoza, como institución neutral y de referencia cultural, ye un organismo clau que podría ufrir una gran aduya t’a normalización y sozialización d’a luenga aragonesa. Por ixo, dende O Trango se l’ha proposau a creyación, en a Universidat de Zaragoza, de una Oficina d’a Luenga Aragonesa, parellana a atras ya existents como a d’o Meyo Ambién, que treballe por a normalización d’a luenga. L’actual reutor ha respondiu: “Pensaré cómo puedo incluir vuestra propuesta, que me gusta”

De vez, ha adibiu una signa conbidada de O Trango en a suya pachina web, an que refleixa todas istas inquietuz, o que dende O Trango han interpretau como “amostranza d’a buena voluntat de Manuel López enta O Trango y enta a luenga aragonesa”.

Por tot isto, dende l’Asoziazión Cultural O Trango reiteran a suya agradeixedura t’o candidato Manuel López Pérez, por a suya disponibilidat y adopción de compromís con a cultura y a riqueza lingüistica aragonesas, asperando asinas mesmo, que l’atro candidato, José María Gimeno, se prenuncie en o tocant a la luenga aragonesa.

Una rispuesta a Manuel López s’intresa por l’aragonés, en o marco d’as eleccións t’o rectorau

  1. Qui son istos d’O Trango ¿?

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.