Marcha ent’o monte publico de Bastarás o venient 5 de mayo

A interpresa FIMBAS ha sacau a cleta ilegal que viedaba la dentrada en a parti d'a espelunga de Chaves

Se fan tres anyos d’a destrucción d’a espelunga de Chaves, por parte d’a interpresa FIMBAS, S.A. Ecolochistas en Acción organiza una marcha enta o monte publico d’As foces de Rodellar, pocas semanas dimpués de haber-se eliminau a cleta ilegal, con a qual entre 36 anyos ista interpresa ha viedau l’acceso a iste espacio natural.

Dende fa pocas semanas, o monte publico ye accesible a tota presona que quiera visitar-lo y Ecolochistas en Acción quiere celebrar-lo en companyía de todas as personas que han luitau, s’han preocupau y han criticau que ixa situación se mantenese. A organización anima a recorrer parte d’este monte o sabado 5 de mayo, en una marcha que tendrá a suya salida dende as redoladas de Morrano (1 kilometro pasau o lugar endrezau ta Auguas), a las 10 d’o maitín y rematará en o lugar de Yaso, dimpués de pasar tamién por a ermita d’a virchen d’a sierra (15 km en total).

Seguntes Ecolochistas en Acción, “será un buen momento ta celebrar los abances que se van producindo, pero tamién ta remerar que quedan cosetas por fer y ye papel d’as administracions y entidatz chudicials levar-lo a cabo, con l’emparo de toda a sociedat”. Dende a organización s’aduyará a os conductors a replegar os suyos vehíclos en Morrano. .

Fuent: http://www.ecologistasenaccion.org/article22940.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.