Marea Verde Aragón presenta 2.000 firmas contras as retalladas en amostranza

Demandan tamién sacar os conciertos educativos

Logo de l'asociación
Logo de l’asociación

‘Marea Verde Aragón’ fació ahiere en a siede d’a D.Ch.A. a dentrega de 2.000 firmas que han replegau en contra d’as retalladas en amostranza y a favor de l’amostranza publica, laica, de calidat y de baldes. Iste colectivo ye integrau por mayestros y profesors de Primaria y Secundaria de l’amostranza publica.

Os representants de ‘Marea Verde Aragón’ han desichiu que ‘no se faigan retalladas en recursos ta l’atención t’a diversidat, ni en programas educativos no en formación d’o profesorau’. Tamién han criticau que s’haigan enamplau as subvencions t’os centros concertaus y que encara que a partida ta educación baixe 30 millons d’euros, a escuela concertada en reciba 4 millons más.

Han anunciau que continarán con as suyas accions reivindicativas, fendo concentracions os zaguers miercols de cada mes en as puertas d’os centros d’educación y metendo pancartas en os institutos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.