María Victoria Pinilla condenada a 8 anyos d’inhabilitación por prevaricación

A exalcaldesa de La Muela habrá de pagar amás 4,8 millons d'euros. Pinilla ha estau absuelta d'atro delito de prevaricación

María Victoria Pinilla a la dreita d'a imachen en foto d'archivo. Foto: CHA Valdexalón

María Victoria Pinilla a la dreita d’a imachen en foto d’archivo. Foto: CHA Valdexalón

A exalcaldesa de La Muela, María Victoria Pinilla, ha estau declarada culpable por o Chudgau nº2 d’o Penal de Zaragoza d’un delito de prevaricación administrativa, por o que habrá d’estar 8 anyos inhabilitada pa cargo publico, amás de pagar una pinyora de 4,8 millons d’euros.

Amás habrá de pagar tamién a cantidat que se determine por danyos, desperfectos y sustraccions en una urbanización de La Muela. A exalcaldesa se negó a recepcionar as suyas obras. O concello d’ista localidat ha estau declarau responsable civil subsidiario por o total d’iste importe.

En setiembre de 2003 se formó a Chunta de Compensación d’o Sector 1 d’o Plan Cheneral d’Ordenación Urbana d’a citada localidat pa fer una urbanización, que fue aprebada por o concello en 2005.

Manimenos Pinilla no recepcionó as obras como demandó a Chunta de Compensación a finals de 2006, quan ya yeran amanadas a acabar. L’arquitecto municipal consideró que as obras podrían acceptar-se, pero nunca no s’arribó a recepcionar-las por parte de Pinilla.

Pinilla ha estau absuelta d’atro delito de prevaricación pa lo que tamién le’n demandaban 8 anyos d’inhabilitación pa cargo publico.

 

Una rispuesta a María Victoria Pinilla condenada a 8 anyos d’inhabilitación por prevaricación

  1. Pingback: Victoria Pinilla condenada a 8 anyos d’inhabilitación | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.