Mario Monti ya busca os suyos ministros en Italia

O gubierno será de perfil tecnico ta encetar as reformas que Europa demanda a os italians

Mario Monti (Foto: Aldeadle)

Mario Monti (Foto: Aldeadle)

Mario Monti ya treballa en a formación d’un gubierno italiano en, seguntes as suyas parolas, “una situgación d’urchencia”. O president italiano, Giorgio Napolitano, encargó o nuevo gubierno a Monti con a misión de encetar as reformas que a Unión Europeya demanda. Por ixo, ye probable que ixe gubierno italiano tienga un perfil tecnico, pero con a saber los refirmes en o parlamento, incluyiu o partiu d’o primer ministro salient, Berlusconi.

L’obchectivo d’o nuevo gubierno será saneyar a situgación financiera y tornar a un camin de creiximient. Monti ha reivindicau tamién l’europeyismo italiano.

Mario Monti estió asesor d’o banco Goldman Sachs y bellas informacions aseguraban que o banco fació un informe dimpués de conoixer que Berlusconi marchaba an que pronosticaba que si se feban eleccions a prima de risque continaria puyando, mientres que si se nombraba un sucesor tecnico, como Monti, a prima de risque italiana prencipiaria a baixar.

L’anterior primer ministro, Silvio Berlusconi, ha dito, por a suya parti, que no renuncia a la politica, y confiesa estar triste por haber habiu de deixar o gubierno.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.