Mars Express fa a primer imachen 3D de Fobos

Ye a luna más amanada t'a planeta suya de tot lo Sistema Solar

A imachen d'a Mars Express (Foto: ESA)

A imachen de Fobos presa por a Mars Express (Foto: ESA)

A sonda Mars Express de l’ESA (Achencia Espacial Europea) ha conseguiu una imachen 3D y con un gran detalle de Fobos, a mayor luna de Marte. A sonda prenió a imachen quan yera a menos de 100 kilometros d’a superfucue d’o satelite y a suya publicación coincude con a celebración d’o 135 cabo d’anyo d’o suyo descubrimiento.Más d’un sieglo dimpués de que l’astronomo Asaph Hall entrevido por primer vegada Fobos, a sonda europea que orbita sobre a Planeta Roya ha captau una imachen que, seguntes os scientificos d’a ESA, “permite estudiar a superficie con un ran de detalle sin precedents”.

Sobre a superficie de Fobos se puet distinguir una serie de rasas que pareixen surtir d’o crater Stickney. En primeras os astronomos pensoron que iste crater estió conseqüencia d’un trucazo, pero una nueva teoría suchiere que se podió haber formau quan a luna esnavesó una boira de enrona que yera surtida dende a superficie marciana.

De todas as lunas d’o Sistema Solar, Fobos ye a que se troba más amanada t’a suya planeta. Orbita a bells 6.000 kilometros d’a superficie d’a planeta roya. Antimás, “vista dende a superficie de Marte, Fobos surte y se posa sobre l’horizonte dos vegadas cada diya”, aseguran os astronomos europeus.

Con tot y con ixo, a orbita de Fobos ye cayendo, y en bells 50 millons d’anyadas se podría desintegrar, seguntes apunta a ESA. Iste feito provocaría una boira d’enrona que remataría cayendo sobre Marte.

Fuent: http://noticies.sirius.cat/2012/08/mars-express-capta-la-primera-imatge-3d.html

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.