Marvel celebrará una boda entre dos hombres

Northstar, ex-Alpha Flight se casará con o suyo novio Kyle Jinadu o venient chunio en as pachinas de Astonishing X-Men

Portalada d'o Astonishinf X-Men #51
Portalada d’o Astonishinf X-Men #51

A editorial Marvel ha anunciau a celebración d’un casorio entre dos personas d’o mesmo sexo t’o venient mes de chunio. Northstar, qui estió parti d’a colla de superheroes canadienses Alpha Flight, dirá o ‘sí quiero’ a la suya parella Kyle Jinadu, un representant esportivo.

A boda se celebra con o debat sobre as bodas gays en EE.UU. bien rusient dimpués de que o president suyo, Barack Obama, se declarase a favor de que as parellas d’o mesmo sexo podesen fer casorio. Qui quiera viyer os detalles d’a celebración habrá de mercar o numer 51 d’a colección Astonishing X-Men que plegará en chunio ta EE.UU. y bells meses dimpués t’aquí. En a portalada d’o numer i apareixen buena cosa de mutants y d’atros superheroes convidaus a compartir ixe inte.

No ye a primer vegada que se tracta l’afer d’a homosexualidat en os comics Marvel u DC, as dos principals editorials de comic de superheroes. O propio Nothstar ya salió de l’almario en 1992, en a colección d’Alpha Flight. En as pachinas de X-Force se insinuó terne que terne un afer amoroso entre Rictor y Shatterstar. Batwoman u Hulking y Wiccan, son atros superheroes que fan parti d’o colectivo LGTB. De feito, en DC, a competencia dreita de Marvel Apollo y Midnighter ya se casoron en 2002.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.