Más d’a metat d’a población de Malawi contina sufrindo inseguridat alimentaria y malnutrición

"A producción no ye prou ta achiquir a pobreza y conseguir a seguridat alimentaria", dició De Schutter

(Foto: Cronica d'Aragón)

(Foto: Cronica d’Aragón)

O relator d’a ONU sobre o Dreito a l’Alimentación, Olivier de Schutter, afirmó iste lunes que más d’a metat d’a población de Malawi contina de tot pobra y que a suya catrinalla ye malnutrida.

En rematar una visita a lo país africano, De Schutter afirmó que as midas presas por as suyas autoridatz ta amerar a crisi de virolla no han teniu os resultaus que aguardaban y que muitas familias tasament pueden tener una chenta decent en o diya.

En declaracions t’a prensa, o experto afirmó que encara que Malawi a soben ye citada como un eixemplo de luita contra la fambre fendo subsidios a los agricultors, s’ha perdiu una oportunidat ta remetar con a dependencia de fertilizants, d’a man d’obra barata y d’o tabaco.

“Malawi ha prencipiau a suya revolución verda, pero ha ixublidau d’invertir en a revolución marrón de reconstruyir a salut d’a tierra y a revolución azula en o desembolique de tecnicas de replega d’augua que permitan a los agricultors producir millor. Ista ye una historia que contrimuestra que puyar a producción no ye prou ta achiquir a pobreza y conseguir a seguridat alimentaria”, dició De Schutter.

 

Fuent: http://www.cronicadearagon.es/wordpress/?p=42940

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.