Mas de 10.000 cicloturistas disputarán a “Quebrantahuesos” y a “Treparriscos” iste sabado

Samianigo será atro anyo mas o referent a livel mundial d'o cicloturismo ta aficionaus con a celebración d'a Quebrantahuesos y a Treparriscos

Start_of_Quebrantahuesos_2011

Momento d’una pasada edición d’a Quebrantahuesos. Foto: Juan Pablo Frías

En Samianigo tornará a celebrar-se a tradicional “Quebrantahuesos” en a suya XXIII edición y a “Treparriscos“, a suya chirmana chicota, en a X edición, dos prebas cicloturistas no competitivas ta aficionaus organizadas por a Penya Ciclista Edelweiss de Samianigo que son un referent a livel internacional. Cuenta con o refirme entre atros d’o Gubierno d’Aragón y Ibercaja, amás de multiples patrocinadors.

A “Quebrantahuesos” contará con un recorriu de 200 km destacando as puyadas a Somport, Marie Blanque, Portalet y Foz de Chaca, ta tornar ta Samianigo, prencipio y final d’a preba. I participarán 9.613 ciclistas; mientres a “Treparriscos”, con 1.964 participants, constará de 85 km, con a novedat de que pasará por a val de Broto en cuenta d’a val de Tena por motivos de seguridat, y puyará o puerto de Cotefablo. As dos prebas saldrán y plegarán en o mesmo puesto, Samianigo, y bi participarán ciclistas aficionaus d’os dos sexos y de todas as edatz dende os 18 anyos, habendo-ie mesmo categoría tandem.

Atra d’as novedatz ye o zarre d’as carreteras mientres tot o diya d’a preba, seguntes o consello dau por as Fuerzas y Cuerpos de Seguridat de l’Estau, que ha estau consensuau y acceptau por os organizadors.

Se i asperan participants de 42 nacionalidatz como Archentina, Australia, Mejico, Colombia, Canadá, Israel u Francia entre atros, y de muitos puntos de l’Estau. Nomás d’Aragón i hai 1.771 participants.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.