Más de 13.000 estudiants demandan plaza en a Universidat de Zaragoza

Quasi a mesma cantidat que en o curso pasau

 

Dentrada d'a Universidat de Zaragoza (Foto: Wikpiedia)

Dentrada d’a Universidat de Zaragoza (Foto: Wikpiedia)

Un total de 13.617 estudiants han trigau a Universidat de Zaragoza como a primer opción ta fer os suyos estudios universitarios. A cifra ye bell poquet más altera que no lo curso pasau quan en estioron 13. 447. Ya se puet consultar a lista d’admitius en a pachina web d’a Universidat y en as listas que son penchadas en l’edificio Interfacultatz d’o Campus de Sant Francho de Zaragoza.Os estudiants que sigan admitius habrán de matricular-se entre o 20 y 0 27 de chulio dende internet u en as cambras que se meten en cada facultat. Pasau o plazo de matricla de chulio, en os centros que’n queden de plazas, se ferán clamadas t’os estudiants en as listas d’aspera ta que puedan matricular-se-ie.

En iste curso os estudios más demandaus en Zaragoza son os de  Medecina, Biotecnolochía y Fisioterapia. T’as tres cal una nota superior a 11,5 ta dentrar-ie. En Uesca tamién as titulacions con más demanda son as biomedicas: ta medicina cal un 12,268, en Odontolochía de dentra con un 11,664 y Enfermería amenista un 10,543. Lo mesmo pasa en Teruel con Enfermería (10,650) y Psicolochía (9,016).

En l’atro cabo bi ha 23 titulacions que a nota que cal ta dentrar-ie ye un cinco porque bi ha más plazas ufiertadas que demanda d’os estudiants.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.