Más de 170 establimientos forman a Guida de Tapas de Zaragoza

A guida se presentó lo martes en Zaragoza.

Imachen d'a presentación. (Foto: comarcas.es)

Salir de tapas en Zaragoza ye muito mas facil dende iste martes gracias a la oncena Guida de Tapas d’a ciudat, que ha estau presentada por l’Asociación d’Interpresarios de Cafés y Tabiernas en o Palacio de Sastago. A guida, que ye formada por un total de 174 establimientos, puede adquirir-se en as Usinas de Turismo.

O president de l’Asociación, Pedro Giménez, ha explicau que l’obchectivo d’ista iniciativa ye que turistas y zaragozans “tiengan una referencia d’os establimientos de Zaragoza a os que pueden acudir a degustar as especialidatz que os mesmos establimientos han pediu que plasmemos en a guida, que tiene una tirada de 50.000 eixemplars”.

A novedat d’iste anyo ye que a publicación ye más chovenil, informal y facil de consultar. Giménez ha asegurau que con a mesma buscan “animar a la choventut ta que s’en faiga a salir de tapas”. Amás, as tapas son divididas en tres pres: meyo, alto y baixo. “I hai muita chent que sabe que Zaragoza ye una ciudat de tapas y con ista guida serán orientaus ta salir a chentar y cenar”, ha concluiu Giménez. Una variada ufierta que a concellal de Turismo d’o Concello de Zaragoza, Lola Ranera, ha emparau porque “cal revitalizar a ciudat y hemos d’aduyar y achugar por a hostelería”.

Fuent: http://www.comarcas.es/index.php/mod.noticias/mem.detalle/idnoticia.6664/relcategoria./chk.07795b81313b2ad534a4b78b7194276a.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.