Más de 200 mullers “rechistran” os suyos cuerpos, contra la “lei Gallardón”

L'acto, organizau por a Coordinadera d'organizacions feministas de Zaragoza, colapsó o rechistro d'a propiedat.

Ringlera en o rechistro d'a propiedat (Foto: @fuina)

Ringlera en o rechistro d’a propiedat (Foto: @fuina)

O rechistro d’a propiedat de Zaragoza quedó colapsau de tot iste chueves, debiu a una protesta feita por más de 200 mullers. I fuoron a rechistrar os suyos cuerpos, de traza simbolica, en protesta contra a lei Gallardón, que cambea de raso a lechislación cuanto a l’alborto y a los dreitos d’as mullers sobre os suyos cuerpos.

A protesta, que se ha feito ya en atras ciudatz de l’Estau espanyol, plegaba a las 16:00 ta Zaragoza. As mullers que i yeran habioron de fer collas de diez personas ta presentar as solicitutz. Encara no se sabe qual será a respuesta de l’administración, pues en atras ciudatz no se i han prenunciau.

En a exposición de dreitos s’afirmaba: “D’a pelleta t’aintro prencipia a mia sola churisdicción. Esleixo yo nomás qué puet u no pas, traviesar ixa muga. Soi un estau soberano, y as mugas d’a mia piel se me fan muito más sagradas que no os confins politicos de qualsiquier país. Farta de que atros decidan por yo, pretendo legalizar y deixar constancia de que o mio cuerpo ye mio y dengún no ha d’empachar ni condicionar as decisions que prenga”.

En l’acto, organizau por a Coordinadera d’organizacions feministas de Zaragoza, bi habió presencia de partius politicos y toda mena d’organizacions socials.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.