Más de 2000 plazas de profesionals d’a Sanidat podrían no cubrir-se, seguntes o PSOE

En 2012, 40 plazas de medico y 21 d'enfermer no s'han cubierto

Eduardo Alonso (Foto: PSOE)

Eduardo Alonso (Foto: PSOE)

Más de dosmil profesionals d’a salut dependients d’o Gubierno d’Aragón podrían chubilar-se de traza forzosa en as venients cinco anyadas, seguntes ha afirmau iste lunes Eduardo Alonso, portavoz d’o PSOE en a Comisión de Sanidat. “A presidenta Rudi ye erosionando a sanidat publica aragonesa y quier prescindir d’o suyo personal qualificau”, ha declarau.  En total serían 2.386 d’os 18.308 treballadors que tien o SALUD, os chubilaus.

En l’anyada 2012, o Departamento de Sanidat no s’han cubierto 40 plazas de medicos ni 21 d’enfermer. De 84 medicos chubilaus no se’n han achustau que 44. En o caso d’os enfermers de 79 plazas s’han cubierto 58. Os datos los dió o conseller de Sanidat d’o Gubierno, Ricardo Oliván, respondendo a una pregunta d’o PSOE.

En iste sentiu, o portavoz d’o PSOE ha indicau que o Gubierno d’Aragón quier fer un plan de chubilacions indiscriminau: “No preban de fer una reordenación de recursos humanos sino de cabidar a pur d’achiquir a calidat en o ficacio. Queremos que se doten economicament as plazas y se cubran todas as vacants, y no s’amorticen” . Alonso ha criticau a politica de personal en o Departamento de Salut, ya que a presidenta y o conseller se comprometioron a sacar comisions de servicios, a fer un macroconcurso de traslaus y a fer Ufierta Publica.

Eduardo Alonso ha demandau a lo Gubierno d’o PP que presente o Plan Cheneral de Recursos Humanos d’a Sanidat Aragonesa y que convoque un concurso de traslaus de todas las vacants de personal de sanidat. Tamién demanda que se anuncie como se ferá o plan de chubilacions y os baremos y ta quantos y como se concederán prolargamientos. Antimás ha presentau una queixa porque o Gubierno no ha alportau os datos d’as plazas vacants en cada sector. “Queremos conoixer as plazas vacants en o SALUD”, ha sinyalau.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.