Más de 3000 presonas en Zaragoza contra la reforma laboral

Convocada por una plataforma unitaria de sindicatos, ha amostrau tamién o refús a las retalladas laborals, socials y publicas

A pancarta de prencipie d'a manifestación (Foto: Carlos G.)

A pancarta de prencipie d'a manifestación (Foto: Carlos G.)

Mas de tres mil personas se manifiestan por as carreras d’a capital d’o país, a tamás d’o fredo y o cierzo contra a reforma laboral convocaus por CATA, CGT, CNT, Intersindical y SOA. A manifestación ha estau emparada tamién por colectivos como lo BIC, Marea Verde d’Aragón, 15-M, o Ret anticapitalista d’Aragón, Izquierda Anticapitalista u Puyalón de Cuchas, amás d’a presencia de miembros de IU u CHA.
En un ambient reivindicativo y baixo unas frías temperaturas, mas de tres mil personas han recorriu o centro de Zaragoza dica l’edificio Pignatelli, siede d’o gubierno, ta amostrar o refús a la Reforma Laboral y a las retalladas publicas. Dimpués d’a pancarta de cabecera, an que se trobaban os representants d’as organizacions convocants, bi’n heba amplo bloque d’o Sector Publico. Destacaba a presencia d’os docents d’a Marea Verda d’Aragón dimpués d’os quals se trobaban representants de CGT d’os sectors d’Amostranza, Sanidat, Concello y Administración Publica entre atros. A presencia d’os y as treballadoras d’o Sistema Publico ha estau muit numerosa. Dimpués d’iste bloque “publico” a resta d’organizacions convocants teneban os suyos propios bloques, estando un d’os mas numerosos o de CNT.

Anviesta d'a manifestación (Foto: Arainfo)

Anviesta d'a manifestación (Foto: Serchio)

Entre os lemas d’as protestas, s’han feito cridas a una vada cheneral, asinas como criticas a PP y PSOE, a familia reyal u las recients aduyas a os bancos dende l’estau y la Unión Europeya. A manifestación ha rematau frent a l’edificio Pignatelli an s’ha leito o comunicau conchunto, que amostraba o “malpasar, a indignación y mesmo a rabia, frent a l’atraco a las pochas d’a clase treballadera por os poderosos”. Asinas mesmos tamién s’ha criticau a “imposición por decreto d’a posibilidat de forachitar en os triballos de traza libre, l’arbitrariedat en os ERE u las rebaixas salarials”, que, seguntes as organizacions convocants, deixa a os triballadors aragoneses en situgacions d’o sieglo XIX.

Fuent: arainfo.org/2012/02/miles-de-personas-se-manifiestan-en-zaragoza-contra-los-recortes-publicos-y-la-reforma-laboral/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.