Más de 500 profesionals consiguen un certificau que acredita a suya experiencia en atención sociosanitaria

Son treballadors con experiencia laboral pero que dica agora no teneban una titulación que lo acreditase

acreditacionMás de 500 treballadors acaban de conseguir o certificau que acredita a suya competencia profesional en l’atención sociosanitaria a personas dependients en institucions socials u en casa. Son dos d’os siet procedimientos d’acreditación de competencias que ha densenrollau mientres 2014 o departamento d’Educación d’a D.Ch.A. a traviés de l’Achencia de Qualificacions Profesionals d’Aragón.

Qui yeran inscritos en istos procedimientos teneban experiencia laboral u formación no reglada en l’aria d’atención sociosanitaria a dependients pero no pas un titol oficial que lo acreditase. Dende agora iste certificau acredita a suya profesionalidat, millorando as suyas posibilidatz de trobar un treballo u d’amillorar o que ya tienen.

O certificau en atención sociosanitaria en casa lo han conseguiu 299 personas (296 mullers y 3 hombres); quasi o 99% d’os inscritos. D’ista traza Aragón ha acreditau dende 2011 a más de 1.500 profesionals en ista materia tanto en l’aria rural como urbana. A convocatoria de 2014 d’iste procedimiento ha teniu especial relevancia ya que dende o 31 d’aviento de 2015 caldrá tener a lo menos iste certificau de profesionalidat ta treballar.

L’Achencia d’as Qualificacions Profesionals d’Aragón ye estada a encargada de chestionar o procedimiento con l’emparo de 21 asesors y 21 evaluadors y l’aduya d’os centros integraus de FP San Lorenzo (Uesca), Bajo Aragón (Alcanyiz) y Corona de Aragón (Zaragoza) y os institutos Luis Buñuel (Zaragoza), Martínez Vargas (Balbastro) y Santa Emerenciana (Teruel).

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.