Más de 72.000 personas visitón a Feria de Balbastro en 2011

L'actividat mas multitudinaria estió, con más de 18.000 asistents, a Feria Rechional de Balbastro, Ferma.

Instantanea d'un acto en a Feria de Balbastro. (Foto: Institución Ferial de Balbastro)

Más de 72.000 personas pasoron entre 2011 por a Feria de Balbastro t’asistir a bella d’as actividatz organizadas en o recinto ferial. Una meya de docientas personas diarias participoron en bell d’os eventos celebraus por a institución u desfrutoron d’as suyas instalacións. A mayor parte d’o publico, más de 46.000 personas, asistioron a bell d’os certamens u actividatz organizadas u emparadas por a Institución, tals como certamens ferials (38.000 personas) , o festival de mosica Polifonik Sound (más de 2.000) y atros actos como lo concurso de tapas d’o Diario del Altoaragón (3.000). L’actividat mas multitudinaria estió, con más de 18.000 asistents, a Feria Rechional de Balbastro, Ferma.

Os atros 26.000 usuarios d’o recinto se deben a atras actividatz que se desembolican aprofitando as instalacions d’o recinto ferial, como os examens semanals de l’Adreza Cheneral de Trafico, actividatz esportivas organizadas por o Patronato d’Esportes y os centros educativos semontaneses, as clases d’educación vial, a instalación d’a Unidat de Mamografía d’o Salut, u as cofradías de Semana Santa que fan servir o recinto ferial t’os suyos asayos.

Asinasmesmo, a Feria de Balbastro acullió tamién atros eventos multitudinarios como l’Asambleya Cheneral Extraordinaria d’a ADS Río Vero (que convocó a 400 personas), l’emparo a os pelegrins d’as Chornadas Mundials d’a Choventut a la suya paso por Balbastro (800 asistents), a celebración d’o Día Internacional d’a Muller Treballadera (mas de 500), a celebración de l’Asambleya Rechional d’Asociacións de Viudas (mas de 300), u a celebración d’o Campeonato d’Aragón de Natación Sincronizada Open Ciudat de Balbastro (200), amás de chornadas tecnicas y atras reunions organizadas por institucions como o CEDER, UAGA y Riegos de l’Altoaragón, entre atros.

En o computo cheneral no s’han puesto contabilizar os asistents a reunións y atros actos internos d’a institución, asinas como os usuarios d’o establimiento de cafetería y restauración, ubierto diariament.

Fuent: http://www.comarcas.es/index.php/mod.noticias/mem.detalle/idnoticia.6654/relcategoria./chk.54493efbbc7293627b0a90f976f4b8e1.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.