Más de cient centros educativos protestan contra as retalladas y a “Lei Wert”

En tot Aragón bi habió encierros, concentracions y protestas de toda mena.

Protesta en l'IES Conde de Aranda de Alagón (Foto: Marea Verda)

Protesta en l’IES Conde de Aranda de Alagón (Foto: Marea Verda)

A chornada d’o chueves se vivió de traza prou reivindicativa en más de cient centros educativos de tot lo país. Baixo o lema “Toma tu centro” (Prene o tuyo centro), a Marea Verda por a educación, clamaba a protestar contra as retalladas que ye vivindo a escuela publica y contra a LOMCE, a nueva lei educativa que ye parando o gubierno espanyol, conoixida como Lei Wert, por l’apelliu d’ ministro.

En Zaragoza, Uesca, Teruel, Calatayú, Tarazona, Monzón, Andorra, …. por tot lo territorio aragonés, se facioron protestas en escuelas y institutos. Tamién bellas quantas facultatz universitarias se unioron t’a protesta, como Educación, u a Escuela d’Incheniers. En total, en más de cient centros se facioron toda mena d’actividatz: asambleyas, charradas, cadenas humanas, cine-forums u concentracions, por eixemplo.

Seguntes a Marea Verda l’aprebación d’a LOMCE sería “o trango definitivo ta rematar con a educación como un dreito y convertir-la en una mercancía a o servicio de bells pocos”. Califican ista lei como “antipedagochica, mercantilizadera, segregadera, sexista, antidemocratica y privatizadera”.

Iste movimiento ciudadano tamién ha remerau que as retalladas ya se son sufrindo y denuncia, entre atras cosas, que no se cubren as baixas, a falta de mayestros de refirma t’alumnalla con dificultatz, a puyada de tasas universitarias u as particlars dificultatz que ye pasando a escuela rural y que será más grau t’o curso venient dimpués d’as midas anunciadas por Dolores Serrat, consellera d’Educación.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.