Más de cient investigadors participarán huei en a nueit d’os investigadors

Se tracta d'amostrar a la sociedad o treballo d'os investigadors y scientíficos mientres una chornada que se celebra de vez en 250 ciudatz europeas

A vicerrectora de Relacions Institucionals y Comunicación d’a Universidat de Zaragoza, Pilar Zaragoza, a directora d’a Fundación Araid (Agencia Aragonesa para la Investigación y Desarrollo) d’o Gobierno d’Aragón, Maite Gálvez y o representant d’Esciencia, Guillermo Orduna presentón ahiere de maitíns en a sala de prensa de l’Edificio Paraninfo a programación d’a nueit d’os investigadors, que se celebrará ista nuei en Zaragoza.
Se tracta d’o proyecto europeu, Researches in Real Life, que se fa con l’obchectivo d’amostrar a la sociedat o treballo d’os investigadors, aintro y difuera d’os suyos campos de treballo. Se tracta d’una chornada de puertas bataleras que se reyaliza de traza anual en toda Europa, con a participación simultanea de, si fa u no fa, atras 250 ciudatz europeas.
A Universidat de Zaragoza, chunto con o gobierno d’Aragón, a traviés d’a Fundación Araid y Esciencia, ha parau una ampla ufierta d’actividatz que se desenvolicarán en o centro de Zaragoza, con l’Edificio Paraninfo de nucleu central. Demostracions, exposicions, tallers, charradas, esporte, degustacions, conciertos, teyatro reunirán a publico y investigadors ista diya de borina d’a sciencia y a cultura.
S’aspera que más de 10.000 personas a las actividatz paradas por más de cient scientificos aragoneses en as que, de traza ludica y profesional, se mirarán de responder qüestions como ¿Qué logros y beneficios suposa o suyo treballo ta las nuestras vidas? ¿Qué situacións cutianas s’han vistas amilloradas gracias a o treballo d’os investigadors?
Ye a primer vez que Aragón aculle un evento d’ista mena y suposa una grand oportunidat ta dar a conoixer a ran europeu o treballo d’os investigadors. Tamién ye una ocasión t’amanar a investigación t’o publico. L’evento ye ludico y festivo, y a más, de baldes.

Fuent: http://www.unizar.es/actualidad/vernoticia.php?id=5514&idh=1870#

Una rispuesta a Más de cient investigadors participarán huei en a nueit d’os investigadors

  1. Yo i seré en o stand d’a linea de telemedecina ista tarde en o Paraninfo. Amanatz-tos, que tos esplanicaré as cosetas que femos en la Universidat y charraré en aragonés con totz os que queratz!

Responder a Chesús Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.