Más de quaranta collas de mosica participarán en o Roscón Rock

Ye a ueitena anyada que as collas mosicals prenen as carreras zaragozanas

Cartel de Roscón Rock

Cartel de Roscón Rock

O domingo, diya de Sant Valer, as carreras d’o centro de Zaragoza se plenarán de mosica con a celebración d’a ueitena edición d’o Roscón Rock. Ista anyada o suyo lema será ‘Ye o nuestro turno!’ y continará con a tradición reivindicativa d’anteriors anyadas.

Bi habrá dos sesions. De maitins, de 11:30 a 14:00 as actuacions se ferán en as plazas Arinyo, Sant Pietro Nolasco, Santiago, Sas y José Sinués. De tardis, de 18 a 21 será o Paseyo Independencia y as carreras d’arredol as que acullan a las collas participants.

As reivindicacions d’a chornada son muitas: dende amillorar os horarios d’os locals d’ensayo u que fer servir os centros civicos siga de baldes dica lo refirme d’as institucions publicas a toda la creyación mosical aragonesa u a creyación d’espacios socio-culturals municipals.

S’ha confirmau a participación de más de quaranta collas entre as que i son Huracan Virgilio, Majama, Tierra Vertical, Miguel Oliveira, Passion’s Shadows, Leyenda Prohibida, Bigtopo, Kelvin helmholtz, Salvatorecoco, Bajo La Escalera, Zorras Adolescentes, Outbreak, Plaga, Mad Men Rock, Napalm, Dedo Acusador, Bloodra1n, Samba da Praça, Chenchu Guzman, The Wall, Keep Rockin’, Hardway, 40 Grados, Cara B, Catorce Días, Skakeo Reggaé Band, Puntopelota, Francho Sarrablo, Calzones unlimited, Ser-Vizio Publiko, Los Chicos Voodoo, Bird-23rd

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.