Más de trenta investigadors treballan en a Enciclopedia d’o Romanico en Uesca

A enciclopedia replega información sobre o Romanico en toda a Peninsula Iberica7

Ilesia romanica en Puent de Montanyana

Ilesia romanica en Puent de Montanyana

Gracias a l’alcuerdo entre o Ministerio de Cultura y a Fundación Santa María la Real, un total de 34 investigadors treballan en Uesca con a fin de replegar totz os testimonios romanicos d’a provincia que ferán parti d’a Enciclopedia d’o Romanico en a Peninsula Iberica.

A Enciclopedia ye un d’os mayors poders que s’ha feito ta documentar o patrimonio cultural d’iste territorio. As fainas de investifación y replega de testimonios romanicos, que a Fundación Santa María la Real leva fendo mientres más de dos decadas y que agora se i ye sumau o Ministerio de Cultura, podrá completar-se en 2012, gracias a o convenio de colaboración entre as dos entidatz.

Iste ha feito posible que 167 historiadors y arquitectos sigan treballando istos diyas en as provincias gallegas de A Corunya, Lugo y Ourense, en toda Catalunya y en Uesca. En concreto, en Uesca i treballan doce historiadors y 22 arquitectos. O treballo d’os primers ye de documentar y catalogar, con a reyalización de fichas explicativas, totz os testimonios romanicos de cada puesto. A información se completa con as fotografías que pertocan y con os debantamientos planimetricos de cada edificio que fan os arquitectos.

O suyo treballo continará mientres os venients nueu meses y será supervisau y coordinau por os tecnicos d’o Centro de Estudios d’o Romanico d’a Fundación Santa María la Real y por una colla de especialistas de diferents museus y universidatz. Ells serán os encargaus de guaranciar a homocheneidat d’as investigacions y que se incluigan correctament en a Enciclopedia d’o Romanico d’a Peninsula Iberica.

Dende a Fundación Santa María La Real han remerau que ista obra editorial, menada por o profesor D. Miguel Ángel García Guinea y l’arquitecto D. José María Pérez, tien como fin ‘amanar tanto a la comunidat scientifica como a o gran publico, una completa visión de l’arte romanico y, a traviés d’ell, de toda una epoca, d’as chents suyas y d’a suya historia’.

 

Fuent: http://www.comarcas.es/index.php/mod.noticias/mem.detalle/idnoticia.6580/relcategoria./chk.0028d23184cc72982606da49b32adcb1.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.