Mas de vint organizacions pedirán en setiembre a dimisión d’o Delegau de Gubierno

En as venients semanas de setiembre, qualques organizacions politicas, sindicals, socials y vecinals demandarán a dimisión d'o Delegau d'o Gubierno d'Espanya en Aragón, Gustavo Alcalde

gustavoalcalde-300x194

O Delegau d’o Gubierno d’Espanya en Aragón, Gustavo Alcalde

A Coordinadera Antifaixista de Zaragoza informa que un nutriu grupo d’organizacions presentará en setiembre una solicitut pa exichir a dimisión d’o Delegau de Gubierno, Gustavo Alcalde. A petición de dimisión viene a resultas d’a suya “contina autorización d’actos y manifestacions d’extrema dreita”, mesmo parando cuenta, como afirman, que “en Zaragoza se ye dando un preocupant aumento d’os grupos relacionaus con a extrema dreita”.

A la solicitut ya s’han adheriu qualques partius politicos, sindicatos, asociacions vecinals, mareas, plataformas y colectivos. “No descartamos nuevas adhesions, y creyemos que as organizacions sinyants serán finalment mas de trenta” apuntan dende a Coordinadera.

En o conteniu d’o escrito, que se ferá publico en as venients semanas, exichen “un cambeo d’actitut, que cese a permisividat que se da dende Delegación de Gubierno a os faixistas, y que pasa inevitablement por a dimisión de l’actual Delegau de Gubierno, Gustavo Alcalde”.

Fuent: http://arainfo.org/2013/08/mas-de-veinte-organizaciones-pediran-la-dimision-del-delegado-de-gobierno/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.