Mas horas de matematicas y idiomas t’os alumnos y alumnas de Primaria en Aragón

O Gubierno d'Aragón pretende potenciar a ensinyanza d'as materias instrumentals. Os centros podrán decidir sobre una hora y media por curso

Foto: Gubierno d'Aragón

Foto: Gubierno d’Aragón

A consellera d’Educación, Universidat, Cultura y Esporte, Dolores Serrat, chunto a o directos d’Ordinación Academica, Marco A. Rando han anunciau hue a suya propuesta d’horarios ta Educación Primaria. S’impartirán en os centros mas horas de matematicas y d’idiomas dende o venient curso.

Una hora y media mas de matematicas a la semana tendrán os alumnos y alumnas de 4º, 5º y 6º de Primaria dende o venient curso ta prebar de millorar os resultaus aconsiguius en ista asignatura. Tamién se refuerza a carga horaria t’a competencia lingüistica. I habrá una hora mas ta l’asignatura de Luenga Extranchera, en 1º y 2º de Primaria ta fomentar l’aprendizache de luengas.

Asinas mesmo i habrá atros cambeos. L’asignatura de Medio Natural, Social y Cultural se trestallará en Sciencias Naturals y Sciencias Socials. Relichión tendrá una asignatura alternativa, Valors Socials y Civicas.

Os centros tendrán mayor autonomía ta decidir sobre a distribución horaria, que continará estando de 25 horas, y podrán decidir sobre una hora y media semanal por cada curso. O Gubierno aragonés pretende que os centros puedan adaptar-se millor a las necesidatz educativas d’os alumnos en función d’os suyos resultaus, caracteristicas d’o colechio y entorno.

Istos cambeos s’han realizau gracias a grupos de treballo con directors de centros de Primaria. L’obchectivo d’o Gubierno d’Aragón ye evitar o fracaso escolar y millorar os livels d’excelencia ta que os alumnos puedan arribar en a ESO en as millors condicions posibles.

Una rispuesta a Mas horas de matematicas y idiomas t’os alumnos y alumnas de Primaria en Aragón

  1. Artur Quintana i Font

    E l’aragonés e o catalán an quedan?

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.