Mas reaccions…un diya dimpués

A cucha abertzale fa un clamamient t'aproveitar o nuevo tiempo politico

Conferencia cucha abertzale (Foto: Gara)

Conferencia cucha abertzale (Foto: Gara)

A cucha abertzale ha feito huei un acto en Sant Sabastián en que ha dito que prencipia “un nuevo tiempo ta Euskal Herria”. Os suyos voceros han emplazau a os gubiernos de Madrit y Paris a risponder a “la oportunidat historica  que s’ha ubierto”. En ixe senitu, a cucha abertzale creye que a fin definitiva d’a violencia d’ETA no suposa o trancamient d’o conflicto politico.

En ixe nuevo tiempo, o president vasco, Patxi López, convocará a totz os partius politicos con ripresentación institucional, Bildu incluyiu, a os sindicatos y a os interpresaires ta charrar-ne.

O ministro espanyol de Chusticia ha asegurau por a suya parti, que o comunicau d’ETA no cambeara os procesos chudicials encara ubiertos.

Dende Aragón huei s’ha manifestau a cucha independentista de Puyalón, que saluda a decisión d’ETA y refirma o proceso emprendiu por a cucha abertzale d’un tiempo enta aquí. Amás, seguntes la organización, que o conflicto se mueva dende agora en terminos politicos, ferá veyer a verdadera cara de muitas organizacions.

2 Rispuestas a Mas reaccions…un diya dimpués

  1. A vier si tiene efectos en Aragón, y femos un Bildu aragonés d’una begada.

  2. Con un pais tan de dreitas, y espanyolera asabelo,no feremos brenca cosa parellana Nuevo Aragon, tiene que disaparezer a chenerazion educada por mayestros falanchistas. Mos mancan unas anyadas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.