Masiva concentración en esfensa d’a escuela publica

Como en atras ciudatz de l’estau espanyol milentas de presonas s’han concentrau hue en Zaragoza, Uesca u Teruel ta esfender a escuela publica debant d’a que creyen una enrestida contra o sistema publico levau entabant por o gubierno espanyol y en Aragón tamién por o gubierno PP-PAR. Refirmaus por sindicatos, partius politicos y colectivos educatius, as concentracions han deixau platera a suya oposición a un sistema educativo que no premita a totz os ciudadans acceder a una educación publica de calidat.

As criticas s’han centrau en as retalladas d’o gasto publico ta la educación publica, asinas como en a falta de infraestructuras educativas en bells vicos y lugars. Amás, as protestas tamién feban referencia a la mayor alportación ta la escuela concertada que ha preveyiu a consellería d’Educación d’o gubierno.

En l’acto de Zaragoza s’ha feito lectura d’un manifiesto en o qual se criticaba l’actuación d’o Gubierno d’Aragón y se feba una achuga por una alternativa a la crisi construida dende “planteyamientos democraticos mas chustos y solidarios, con un sistema educativo que aduye a construyir un nuevo sistema productivo economico que sirva a l’intrés cheneral y no a o d’os mercaus”. Os Presupuestos, han dito, abanzan un empioramiento d’os servicios publicos y una mercantilización d’istos. Solament asinas “s’entiende que i haiga una puyada d’as partidas d’a concertada mientres que no la i haiga t’a construcción de nuevos centros u que permitan a la universidat privada duplicidat d’estudios mientres afogan financierament a la universidat publica”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.