‘MasterChof’ ye a nueva producción d’Albeitars Sin Mugas

Masterchof fa parte d'a campanya Cortocircuito, an que a ONG defiende una alimentación sana, amanada y chusta

MasterChof, o concurso que no quieren que veigas” asinas anuncia a organización sin animo de lucro Albeitars Sin Mugas (VSF Justicia Alimentaria Global) a suya nueva producción, que fa parte d’a campanya CortoCircuito “por una alimentación sana, amanada y chusta”, qualo obchectivo  ye empentar os mercaus alimentarios locals en l’estau espanyol, favorecindo iniciativas de compra publica de birolla basada en una producción local y familiar.

A fin de MasterChof ye denunciar o sistema alimentario dominant, mas que mas o sector d’a restauración colectiva publica (minchadors escolars, hespitals…, etc), ya que seguntes afirma la organización en a suya web “o modelo actual chenera beneficio solo que ta pocas interpresas de catering a costa d’a calidat de l’alimentación d’a población y d’o treballo en as zonas rurals”.

masterchof

Albeitars Sin Mugas ye una asociación dedicada a empentar un modelo de desenvolique rural chusto en favor d’a Soberanía Alimentaria y chenerar en a sociedat una consciencia solidaria como enciete enta la transformación social.

Fuent: http://masterchof.vsf.org.es/

Una rispuesta a ‘MasterChof’ ye a nueva producción d’Albeitars Sin Mugas

  1. Pingback: ‘MasterChof’ ye a nueva producción d’Albeitars Sin Mugas | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.