McGuinness proposa un referendum t’a reunificación d’Irlanda

O vice primer ministro d'o Norte de Irlanda considera que s'habría de fer a partir de 2016

Martin McGuinness (Foto: Sinn Féin)

Martin McGuinness (Foto: Sinn Féin)

O vice primer ministro d’o norte d’Irlanda y dirichent d’o Sinn Féin, Martin McGuinness, considera que a partir d’o 2016 bi habría as condicions que calen ta un referendum t’a unificación d’o norte con a Republica d’Irlanda. En una entrevista con o Irish Examiner, McGuinness diz que ya no bi ha razons ta no considerar fer o referendum y marca o 2016 como una calendata simbolica por o centenario de l’alzamiento de Pascua, que fació prencipiar a guerra por a independencia d’0 Reino Uniu.

‘Me pareix un calendario razonable. Caldría preguntar a la ciudadanalla d’os seis condaus d’o norte si quieren mantener o vinclo con o clamau Reino Uniu u quieren fer parti d’una Irlanda unida’, afirma o republicano. McGuinness crei que se puet persuadir a los suyos socios en o gubierno, o Partiu Democratico Unionista (DUP), a acceptar a consulta.

Seguntes l’alcuerdo de paz d’o Viernes Santo de 1998, si o gubierno d’o norte d’Irlanda quier convocar un referendum d’independencia, o gubierno britanico siempre tendrá a zaguer parola.

Ta MacGuinness, a crisi economica d’o Sur d’Irlanda no ha d’influiyir de traza negativa en a voluntat de reunificación d’os irlandeses d’o norte. ‘Sería una error pensar que a chent decidirá o futuro suyo en función d’un periodo particularment desastroso en a chestión economica d’o gubierno de Dublin’, afirma.

 

Fuent: http://www.vilaweb.cat/noticia/3978097/20120131/mcguinness-proposa-referendum-reunificacio-dirlanda.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.