Médicos Sin Fronteras presenta en Zaragoza a exposición “Testigos del Olvido”

Médicos Sin Fronteras presentará amás a campanya "Zaragoza Sin Fronteras" con una ripa d'actividatz entre o 7 y o 16 de marzo

Zaragozasinfronteras-271x300Médicos Sin Fronteras (MSF) presentará a exposición “Testigos del Olvido” en rueda de prensa o venient chueves, 28 de febrero de 2013, en o Centro Joaquín Roncal (Fundación CAI-ASC) de Zaragoza.

Mientres iste acto se presentará a campanya “Zaragoza Sin Fronteras”, diez días d’eventos, exposicions, charradas y procheccions de documentals que convidan a os zaragozanos y zaragozanas a convertir-se en “Ciudadanas Sin Fronteras”.

“Testigos del Olvido” ye una uellada sobre ueito grans esferras humanas ixublidadas, narradas por os escritors Mario Vargas Llosa, Sergio Ramírez, Laura Restrepo, Juan José Millás, John Carlin, Laura Esquivel, Manuel Vicent y Leila Guerriero. A muestra, promovida por l’Instituto Cervantes y El País Semanal, incluye tamién fotografías de Juan Carlos Tomasi.

Ista exposición será a primera d’una larga lista d’eventos que nos menarán a traviés d’una “Zaragoza Sin Fronteras”. Por meyo d’ista campanya, MSF convida a os zaragozanos y zaragozanas a una ruta por l’acción humanitaria. Entre o 7 y o 16 de marzo, una serie d’exposicions, charradas, eventos y actividatz virtuals quieren convertir a os zaragozanos y zaragozanas en “ciudadanas sin fronteras” y amanar-les t’o treballo d’a organización medico-humanitaria con poblacions atrapadas por os conflictos y a violencia, u afectadas por as malotías ixublidadas en tot o mundo.

Tot ixo, enmarcau baixo o lema “Queremos conoixer-te y que nos conoixcas millor”.

Entre a rueda de prensa, Toni Luna, Delegau de Médicos Sin Fronteras en Aragón, presentará l’achenda d’eventos previstos.

Fuent: http://arainfo.org/2013/02/medicos-sin-fronteras-presenta-en-zaragoza-la-exposicion-testigos-del-olvido/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.