Mercadet benefico t’a formación d’os ninos ciegos en a India

O mercadet sera ubierto dica o diya 13 en o Parque Labordeta d'a capital

L’asociación “Estrela d’o maitín” ye una Organización No Gubernamental, laica y sin animo de lucro que chestiona prochectos d’amilloramiento d’a situación educativa, sanitaria y social d’os ninos indios, alazetalment os ninos escluyitos d’a sociedat, que’n son a o marguin por diferents razons, como, por eixemplo, discapacidatz fisicas, sensorials u mentals, mirando de guaranciar o suyo dreito a l’acceso a una vida y educación dignas.

A financiación d’a colla s’alazeta en as donacions de colaboradors y en diferents actividatz puntuals, como os mercadetz beneficos. Ta iste cabo de semana, l’asociación n’ha convocato en Zaragoza uno t’aduyar a la formación profesional d’os ninos ciegos d’a provincia india de Karnataka. En a feria, bi habrá toda mena d’articlos, incluyendo-ie productos de comercio chusto, artesanía oriental, quincallería, alfachas y choyas tibetanas y turcas, textil hindú, articlos de decoración, libros, mosica u mesmo ropa trayita dende a India.

A tamás d’ixo, bi habrá servicio de tabierna (con virolla etnica), terrau chill-out, mosica y dances orientals, actividatz infantils y d’atras. O puesto d’o mercadet ye l’Aula d’a Naturaleza (en o parque José Antonio Labordeta, a o canto d’o Paseo Renovales) y será ubierto dende o diya 11 dica o 13 (o viernes dende as cinco d’a tardi dica las nueu, y o sabado y o domingo dende as diez d’o maitin dica as nueu d’a nueit).

Una rispuesta a Mercadet benefico t’a formación d’os ninos ciegos en a India

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.