Mercan a “Carta de Dios” d’Einstein por 3.000.100 $

En a carta confirma o suyo ateismo

Albert Einstein en 1921 (Foto: Wikipedia)

Albert Einstein en 1921 (Foto: Wikipedia)

Un poquet antis d’a suya muerte, en 1954, o fisico Albert Einstein le escribió una carta a o filosofo chodigo Eric Gutkind a on que charraba d’afers relacionaus con a relichión, o tribalismo y, bella cosa no menor, o feito de que ell no creyeba en Dios: “A parola Dios ta yo ye nomás a expresión y o producto d’a febleza humana. A Biblia ye una honorable pero primitiva serie de leyendas que de toda traza resultan infantils. Garra atra interpretación, por sutil que’n siga podría cambiar a mía anvista”, afirmó Einstein en a suya carta.

Ista carta, conoixida coloquialment como la “Carta de Dios” y que heba estau mercada en Londra en 2008 por US $ 404.000, estió subastada por eBay,  y en bell par d’horas un anonomo la mercó por 3.000.100 dolars.

A importancia d’ista carta ye que, mientres as zaguers decadas s’han reintepretau as creyencias d’o fisico alemán con a ideya que yera creyent, con l’argumento de que una vegada afirmó “Dios no chuega a los daus” (encara que, y charrando sobre fisica quantica, realment dició: “Tu creyes en un Dios que chuega a los daus y yo creigo en una lei y un orden completos en un mundo que existe obchetivament”).

Fuent: http://noticies.sirius.cat/2012/10/compren-la-carta-de-deu-deinstein-per.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.