Mercaus d’escambio en Penyaflor y Zaragoza o cabo de semana

O CMU Pedro Cerbuna, o sabado, y o Pabellón de Penyaflor o domingo, acullirán ista actividat

IV mercau d'escambio de Penyaflor (Foto: TruequeZaragoza)
L’escambio ye cada vegada más de moda, bellas vegadas por conviccions, bellas atras motivaus por a crisi. En istos diyas, dos mercaus d’escambios se ferán en Penyaflor y Zaragoza, a on que tot qui quiera podrá intercambiar as suyas cosas con las d’os asistents ta istos eventos.
O domingo 19, en o Pabellón de Penyaflor se ferá o V Mercau d’Escambios en horario dende as 11 dica as 14 horas. Os organizadors quieren “fomentar l’esprito de compartir, de reemplegar y refusar o consumo”.  A unica condición ye que no se puet mercar ni vender, nomás cambiar. Ta participar-ie nomás cal levar-ie as cosas que cadagún quiera esfer-se-ne y cambiar-las a truca d’atra cosa que le calga.
Un diya antis, en o Colechio Mayor Universitario de Zaragoza Pedro Cerbuna, se ferá un atro mercau a on que sí que se permitirá o pago con diners, si bi ha alcuerdo. Antimás d’o escambio, que prou que será o protagonista, tamién bi habrá un espacio ta asociacions beneficas sin animo de lucro que tamién podrán escambiar u vender cosas a pres simbolicos. Qui quiera ufrir un servicio, en cuentas de un bien, podrá fer-lo en o Banco d’o tiempo, a on que podrá escambiar-lo por atro servicio. L’horario será de 9:00 a 14:00.
Toda la información se puet trobar en http://truequezaragoza.blogspot.com.es/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.