MHUEL torna a reivindicar a laicidat d’o concello zaragozano

Demandan a las autoridatz que no participen en actos relichiosos en calidat de cargos publicos

Logo de MHUELO Movimiento Enta un Estau Laico (MHUEL, por as suya siglas en castellano) ha tornau a demandar a las autoridatz que no participen en os actos relichiosos d’a Semana Santa en calidat de cargos publicos. Como han feito atras vegadas a suya demanda ye que, en caso de que deseyen participar-ie, lo faigan como personas privadas.

O vicepresident  de l’asociación laicista, Jorge García González, ha remerau o conteniu de l’articlo 16.3 d’a Constitución Espanyola a on que diz que ‘garra confesión tendrá caracter estatal’ y creye que seguntes ixe esprito ‘garra cargo publico habría d’ir ta istos actos ni t’atros d’atras relichions’.

Antimás, remeran as suyas reinvicacions cuento a lo reglamento de protocolo d’o Concello Zaragozano y solicitan que se cambee ta que a coroporación no asista como tal a las procesions d’o Rosario de Cristal, Sant Valer u o Corpus.

Tamién demandan conoixer ‘quanto nos cuesta a la ciudadanalla a Semana Santa’ por gastos de guardia urbana, servicios de limpieza, y ‘o coste d’oportunidat que suposa t’a comunidat o emplego masivo y exclusivo de carreras y plazas’, alazetando-se en a Lei de Transparencia, Acceso a la Información y Buen Gubierno.

 

Una rispuesta a MHUEL torna a reivindicar a laicidat d’o concello zaragozano

  1. Pingback: MHUEL torna a reivindicar a laicidat d’o concello zaragozano | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.