MHUEL y Europa Laica denuncian o furto de Biens Publicos de man d’a Ilesia Catolica espanyola

A Ley hipotecaria franquista ha permitiu a la Ilesia Catolica fer-se con arrienda patrimonio

A mezquita de Cordoba

A mezquita de Cordoba

As organizacions laicistas, MHUEL y Europa Laica denuncian “a prebatina de furto de bien publicos de man d’a ilesia catolica“, entre os que destaca o caso d’a Mezquita de Cordoba (declarada por a UNESCO “patrimonio d’a humanidat” y orichinariament emplegau t’as actividatz d’una organización relichiosa diferent), y explican que “fendo servir una normativa que considera a una corporación relichiosa privada, como de dreito publico y a os bispes como funcionarios fedatarios publicos y ello con a complicidat y pasividat d’o gubierno de l’estau espanyol”.Denuncian que istos apuntes rechistrals no son constitucionals y exichen a los poders lechislativos, chudicial y executivo, que actuen en as dembas que les pertocan con a fin d’anular istos actos, asinas como a norma preconstitucional que lo permite.

Ista denuncia ye alazeta en o “sentiu común más elemental” y en una sentencia d’o Tribunal Constitucional de 1993, que avisaba a l’Estau espanyol d’a inconstitucionalidat d’ixe reconoiximiento, basando l’argumento, entre atras razons, en que dende 1978, somos, churidicament, en un estau no confesional.

En o caso d’o nuestro país, nos trobamos con que istos furtos s’han feito en as diocesis (nombre inerna d’os trestallos territorials d’ista organización relichiosa) de Chaca, Balbastro-Monzón, Uesca, Zaragoza y Teruel-Albarrazín, por lo que istos actos inconstitucionals se producen en diferents redoladas de tot lo territorio aragonés.

D’atra man, o pasau 26 d’octobre se celebró en Cordoba una trobada promovida por Europa Laica, Andalucía Laica, o Colectivo Prometeo y Cordoba Laica, que i estioron convidaus bells expertos, fendo-se-ie un primer debat que l’obchetivo suyo yera de fer una denuncia publica, replegar información y analizar a ilechitimidat d’una norma: “Ley hipotecaria y o suyo Reglamento”, establida en a “dictadura nacional-catolica espanyola”, que encara contina vichent y que permite a la “Corporación Ilesia Catolica” rechistrar biens que son publicos a los suyo nombre. En beluns se celebra culto relichioso y se desembolican negocios mercantils sin pagar garra mena d’impuesto. Istas asociacions lo entienden como “qualcosa realment vergüenyoso y mesmo más quan se fa con a complicidat y pasividat d’os poders publicos”.

Seguntes belunas d’as conclucions d’ista trobadas, tot isto se puet calificar de “una gran estafa consentida por l’Estau espanyol y que plega a mils de millons d’euros, tanto en a prebatina d’espolio de patrimonio publico, como en qüestion tributaria”. Atra d’as conclusions destacables d’ista trobada ye que “en ista situación se troban centenars de viviendas, suelo rustico y urbano, carreras chunto a ilesias, patrimonio cultural y asinas asinas en tot l’Estau espanyol, que os bispes diocesanos, actuando como funcionarios publicos, en dan fe y rechistran sin garra mena d’escrupulo, os rechistrados d’a propiedat se miran t’atro cabo a truca d’un camatón d’euros y a más gran parti d’as corporacions locasl, o gubierno espanyol u l’aragonés se miran enta atro cabo, en o que podríanos considerar como un delito politico de gran alcance”

Por tot isto, dende Europa Laica informa d’a suya intención de “demandar, en prencipiando una campanaya perén de denuncia de caracter estatal, nacional y internacional, os refirmes politicos y socials que se vaigan sumando-ie, con a fin d’exichir que s’anulen con caracter retroactivo istas normas que privilechian a una entidat relichiosa privada. Y si asinas se considera fer as demandas chudicials que pertoquen.

Fuent: http://arainfo.org/2012/10/mhuel-y-europa-laica-denuncian-la-escandalosa-usurpacion-de-bienes-publicos-por-parte-de-la-iglesia-catolica-espanola/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.