Miles de docents exichen que os diners cabidaus por a Vada se den a la educación publica

O pasau sabado se fació un acto de entrega de firmas en a siede d'o gubierno

Manifestación d'a Marea Verda o pasau 14N (Foto: El Ventano)

Manifestación d’a Marea Verda o pasau 14N (Foto: El Ventano)

Miles de profesors y mayestros de tot Aragón, que secundioron a Vada Cheneral, s’han sumau a la iniciativa de Marea Verda qui solicitan a la Adminstración Publica que os diners no pagaus en eixercer o suyo dreito a la vada sigan destinaus a o colechio u instituto a on que treballan.

Marea Verda entregó centenars de solicitutz o pasau sabado en l’edificio Pignatelli, siede d’o Gubierno d’Aragón. Ista entrega tenió un caracter simbolico, ya que a más gran parti de solicitutz son estando entregadas en os diferents rechistros d’Aragón. “A iniciativa tien un doble obchetivo. D’una man, se tracta de continar con a protesta contra las retalladas que somos sufrindo en iste curso y que perchudican de traza muito grau a calidat de l’amostranza. D’atra man, mira de que ixos diners repercutan en amillorar l’Amostranza Publica d’Aragón y no s’esbarre a pagar rescates a las entidatz financieras, principals causants d’ista crisi”, explican dende a Marea Verda. “Antimás – i adhiben- queremos que l’Administración recule y diga si accepta ista iniciativa empachando asinas situacions tercermundistas como que no bi haiga diners ta papel hichienico en bells colechios”.

Dende que Marea Verda anunció la proposa o pasau 15 de noviembre, centenars de profesors, profesoras, mayestro y mayestras han entregau as solicitutz en o Centro Social Librería La Pantera Rossa de Zaragoza y miles los son entregando personalment  en os rechistros oficials.

Os documentos son dos impresos que van endrezaus t’o director cheneral de Chestión de Personal d’o Departamento d’Educación, Universidat, Cultura y Esporte d’o Gubierno d’Aragón, Alfonso García Roldán y t’a consellera d’Educación, Universidat, Cultura y Esporte, María Dolores Serrat Moré.

 

Fuent: http://arainfo.org/2012/11/miles-de-docentes-exigen-que-el-dinero-ahorrado-por-la-huelga-sea-asignado-a-la-educacion-publica/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.