Miles de policias britanicos se suman t’as protestas contra l’austeridat

La protesta policial coincide con una vada de 24 horas en protesta por a reforma d'as pensions publicas.

Imachen d'a protesta (Foto: Sirius.cat)

Imachen d'a protesta (Foto: Sirius.cat)

Miles de policias se sumoron t’as protestas d’os funcionarios organizadas ahiere en o Reino Uniu por os sindicatos contra a politica d’austeridat d’a coalición neoliberal d’o primer ministro David Cameron. A policía no puet fer vada -a zaguer vegada que lo fació estió en 1919 y dende alavez ye ilegal- pero s’estima que quasi 20.000 oficials vistius de civil y difuera de servicio han acudiu t’a manifestación organizada en o centro de Londra.

D’ellos, 16.000 portiaban chapers de color negra en seyanl de duelo por a retallada de 16.000 miembros d’a fuerza policial mesa en marcha por o Gubierno.

A protesta policial coincide con una vada de 24 horas en protesta por a reforma d’as pensions publicas que ye afectando a lo servicio de garcholas, chuzgaus, hespitals, universidatz, ministerios, parlamentos y os controls de mugas, entre atras dembas chestionadas por as administracions publicas. Os sindicatos han convocau a 400.000 treballadors publicos t’a vada, encara que seguntes o Gubierno, l’aturada ye estando secundada por bells 100.000.

A protesta policial, a primer dende 2008, quan gubernaban os laborista, ye especialment dolent t’o gubierno porque a policia contina estando una institución bien popular en o país.

 

Fuent: http://noticies.sirius.cat/2012/05/milers-de-policies-britanics-se-sumen.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.