Mils d’aragoneses salen t’a carrera “por o dreito a la vivienda y contra o chenocidio financiero”

Iste sabado 16 de febrero se convocaba una manifestación a ran estatal ta demandar o dreito a una vivienda, demandando l'aprebación d'a ILP contra os desafucios

salida-glorieta-sasera-16F-foto-pablo-ibañez-arainfo

Cabecera d’a manifestación de Zaragoza. Foto: Pablo Ibáñez (AraInfo)

En cinquanta ciudatz de toda a peninsula decenas de mils de personas salioron ahiere de tardes t’as carreras “por o dreito a la vivienda y contra o chenocidio financieroconvocadas por as Plataformas d’Afectaus y Afectadas por as Hipotecas (PAH) y organizacions de base embrecadas en distintas campanyas locals de Stop Desahucios. “Sinyalamos a os responsables y exichimos dación en pago retroactiva, loguer social y stop desafucios ya”, proclama o manifiesto unitario repartiu en as convocatorias.

En Uesca, arredol de docientas personas se concentroron en a plaza Concepción Arenal ta demandar a paralización d’os desafucios y l’aprebación d’a ILP por a dación en pago, que ista semana estió admitida a tramite en o Congreso. En Teruel a manifestación partió dende a plaza de San Chuan arroclando a decenas de personas. A convocatoria de Zaragoza reunió a amán de dos mil personas que marchoron por as centricas carreras d’a capital.

As y os desafuciaus han estau os autenticos protagonistas d’as convocatorias, encabezando as marchas exhibindo, en muitos casos, os avisos de desaloixo d’as suyas viviendas. As protestas yeran refirmadas por decenas de colectivos y plataformas socials aragonesas. Representants de Stop Desahucios calificaban como una faltada a negativa d’o Gubierno d’o Partiu Popular a considerar o caracter retroactivo d’a dación en pago. Dende ista plataforma han denunciau en repetidas ocasions que o drama d’os desafucios ha sobatiu a unas 2.000 personas en Aragón entre l’anyo 2012, personas que han perdiu as casas suyas. As cifras, que s’elevan dica os 220.000 desafucios en tot l’Estau y 420.000 execucions hipotecarias, son “sencillament intolerables”.

Fuent: http://arainfo.org/2013/02/miles-de-aragoneses-salen-a-la-calle-por-el-derecho-a-la-vivienda-y-contra-el-genocidio-financiero/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.