Minutos finals d’infarto en un gran partiu

A Fueva 3 - Benabarre 3

Imachen d'o partiu (Foto: UD La Fueva)

Imachen d'o partiu (Foto: UD La Fueva)

Partiu de carnaval entre un gran ambient entre o publico que metió a nota de color ya que bella colla de aficionaus vinió t’o campo con vestiu de carnavals.

Veniba o lider t’O Comellón con intención de sellar a suya puyada deixando dezaga a un firme aspirant. Prencipió bien A Fueva con dos ocasions con o balón aturau, pero china chana o Benabarre se fació l’amo d’o centro d’o campo gracias a o suyo mayor fisico. Fruito d’iste dominio o Benabarre plegaba a-saber-lo de facil con a portería rival.

O primer gol d’o Benabarre vendría d’un saque de banda mal esfendiu d’a on que plegaría un centro por o canto dreito que remataría solo en o segundo palo o debantero azulón, gol que no habría d’haber puyau t’o marcador ya que o balón salió dos palmos difuera en l’inte d’o centro. O linia dubdó, pero a la fin dio o gol.

O segundo plegaría en a zaguer chugada d’a primer parti con un centro dende o canto cucho que o debantero local remató de traza machistral y debant d’a pasividat d’os centrals locals.

O conchunto local salió t’a segunda parti conchurau en remontar, ya que as dos zaguers anyadas ya s’heba remontau un 0-2 a o Benabarre, pero o partiu encara se metió más dificil quan, tasament en a primer chugada un mal entender-se entre Agustín y Miguel lo aprofeitaría o Benabarre ta fica o tercer que pareixeba a sentencia d’o partiu.

Pero iste equipo siempre ha destacau por a suya rasmia y dentrega y prencipió a preta y dominar o partiu, aturando con encierto as enrestidas y contraataques rivals. Aduyó prou a surtida de Tato t’o campo, que dio más presencia fisica en mel meyo d’o campo. Fruito d’ista millora plegaría o gol de pase largo de Roberto a Marcos que deixa a Tato, qui achusta o balón en o baixo d’o palo.

Poco dimpués recibe Escolano o balón aintro de l’aria, retalla a o esfensa y iste le fa un penalty esclatero que fica ell mesmo. Quedaba 10 minutos ta prebar d’empatar u mesmo ganar y dimpués de cualques ocasions esclateras estió en o zaguer minuto que Roberto cazó un refus d’o portero a un disparo d’Escolano.

O equipe encara prebó de culminar a remontada con un cuarto gol, pero no vagó ta más, ya que o arbitro nomás adhibió 2 minutos a tamás d’haber habiu ueito cambios y bells ature de chugadors d’o Benabarre. A la finitiva se salvó un punto en un siempre dificil partiu de carnaval, pero se nos quedó a pena de no poder lograr a victoria.

EQUIPE: Mimo, Caserito, Victor(Tato), Agustin, Lisa, Bernad, Ruben(Alvarito), Anselmo(Sergio), Marcos(Ismael), Roberto, Escolano

2 Rispuestas a Minutos finals d’infarto en un gran partiu

  1. Caserito queremos un fillo tuyo!!

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.