Montoro escandaliza: ‘Ye o presupuesto mas social d’a historia d’a democracia’

A oposición considera que Montoro falta a la intelichencia d'os diputaus y d'os ciudadanos

Foto: Congreso d’os Diputaus

O ministro de Ficienda y Administracions Publicas espanyol, Cristóbal Montoro, ha esfendiu hue en o congreso o presupuesto d’o 2013 d’o gubierno espanyol en o debat d’as esmiendas a la totalidat. Y l’ha feito sin cabidar o tono somardón que a ormino le ha caracterizau. Montoro ha dito, sobre o presupuesto que incluye retalles socials importants: ‘Son os presupuestos mas socials d’a historia d’a democracia’. Ista frase, y atras, han escandalizau a la oposición, que considera que Montoro falta a la intelichencia d’os diputaus y d’os ciudadanos.

Montoro diz que iste presupuesto anuncia a final d’a recesión y ‘son as cuentas mas socials d’a historia d’a democracia porque adedican 63 euros de cada 100 a o gasto social‘. ‘Ye o presupuesto d’un país en crisi, un presupuesto orientau a combatir a crisi’, ha dito Montoro.

Deficit d’o 3,9%

Montoro ha asegurau que o deficit de l’administración central se situó en o 3,9% en setiembre en terminos de contabilidat -que no tien en cuenta as transferencias a atras administracions-. L’obchectivo de deficit ta l’administración central en o 2012 ye d’o 4,5%, y o d’as comunidatz autonomas l’1,5%. Seguntes Montoro, o Estau espanyol ye ‘muit amán d’aconseguir l’obchectivo de deficit programau t’o conchunto d’o 2012’ y ‘si a isto i adhibimos l’estricto cumplimiento d’as comunidatz autonomas’ se ferá efectivo o cumplimiento.

Acusa a Mas de devantar ‘banderas politicas porque no sabe luitar contra a crisi’

Amás, Montoro ha acusau sin citar-lo a o president d’a Generalitat, Artur Mas, de devantar ‘banderas politicas porque no sabe luitar contra a crisi economica’. A o suyo discurso, Montoro ha afirmau que en un contexto como l’actual fa falta ‘leyaltat institucional y unidat’, y ‘no tien garra sentiu creyar inestabilidat politica ta disbrazar a realidat’. Seguntes Montoro, fer agora debatz soberanistas ye contraproducent porque l’unico obchectivo que han de tener os representants politicos y as adminitracions ye a salida d’a crisi.

Fuent: http://www.vilaweb.cat/noticia/4049645/20121023/montoro-escandalitza-pressupost-social-historia-democracia.html

Una rispuesta a Montoro escandaliza: ‘Ye o presupuesto mas social d’a historia d’a democracia’

  1. Profes que si, socializa (encara mas) a miseria

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.